八方收到風，四叔李兆基間中華煤氣下個禮拜一，喺國際金融中心二期有個酒會，為咗乜？咪係慶祝旗下從事電訊業務嘅「名氣通」成立囉！聽講話，佢哋向大小電訊商廣派英雄帖，好似電訊盈科嘅副主席着數哥哥（JackSo蘇澤光）都答應咗出席，另外重有唔少電訊界猛人㖭。
講開煤氣，八方聽到佢哋有份入標競投嘅北京項目，好似已經到咗深入討論嘅階段，若果真係好事近，佢哋會唔會喺下禮拜一一併公告天下，實行喜上加喜呢？咦，四叔辦公室就係喺國金二期，唔知佢老人家嗰日會唔會嚟賀吓呢隻會生金蛋嘅鵝呢！
傳真︰2623-9278
電郵︰