每年賭王何鴻燊生日，都一定忙個不停，噚日佢老人家八十三歲大壽，一早就車輪轉咁去三姨太同四姨太屋企短留，然後再返信德office，到五點鐘左右，打咗條紅色領呔襯灰色老西嘅賭王由十幾個保鑣陪同下離開。
賭王心情極靚，記者同佢講生日快樂，佢即刻雙拳緊握以示多謝，佢話︰「今日生日梗開心啦，老婆仔女送嘅生日禮物梗鍾意。」問佢生日夜會去邊位太太屋企食飯？佢就好鬼馬咁做個「V」字手勢，即係二姨太屋企。
賭王重加多句話︰「喺屋企食，好簡單㗎咋，我鍾意食乜佢哋一定知嘅，咪即係魚同豆腐囉。」
（圖）記者一問到太太們嘅問題，賭王即刻一副sweet樣，羨慕死人。
董文偉攝
傳真︰2623-9278
電郵︰