立法會今日晏晝宴請老董同主要官員，但好多民主派議員唔打算應酬老董，寧願繼續食飯盒。社福界長毛張超雄話，佢哋唔係玩杯葛老董，只不過逢星期五下晝一點都要開飯盒會，咁又邊度食得切？話晒民主派一個禮拜得一次聚頭，佢哋實在冇第二個開會時間。
不過唔係個個民主派都咁諗，好似衞生服務界嘅李國麟就會去，佢話禮貌上都要拜會吓嘅！反正飯盒會都要開到兩點半，老董餐飯十二點幾開始食，至多快手食完老董餐飯，再趕去開飯盒會。
長毛梁國雄聽日有私事，唔會見老董，又唔會開飯盒會。佢話，長毛版本嘅公投法已經搞掂晒，佢日日都袋住喺袋度，但近排焦點喺晒西九同領匯度，到聖誕節冇其他嘢搞時就會擰出嚟咁話。
傳真︰2623-9278
電郵︰