全球只此一部嘅勞斯萊斯百年慶典實驗車100EX，採用特製9公升V6引擎，廠方已表明此車只作實驗性質，不會投產發售。呢部超矜貴實驗車自從3月於日內瓦車展曝光後便開始巡迴世界各地展出，經過新加坡後，下一站就係香港！
其實此車最近已經運抵本港，為咗盡量避免喺運送途中出現損傷，此車竟用上極龐大嘅波音747-400F貨機空運到港，有廠方資深技術專員全程同行之外，投保額更達港幣5,700萬元，非常咁大陣仗。
據知呢部獨一無二嘅實驗車將會於本月30日舉行嘅勞斯萊斯百周年慶祝活動中展出，讓特選嘉賓先睹為快。如果想進一步了解呢部勁車，就要繼續留意報道喇！
記者：馬慶武