梁洛施、組合Boy'Z、官恩娜等昨日一齊出席一個工業用鞋百週年紀念的記者會，梁洛施表示自己是大腳八，要穿42號鞋，雖然省回不少買名貴鞋的金錢，但晚上睡覺時卻要紮腳，避免腳板再變大。
官恩娜、梁洛施（Isabella）、吳日言（Yan）、吳浩康、鄭融及組合Boy'Z等，昨日出席於尖沙嘴舉行的「Caterpillar日百週年記者會」，各人均獲贈限量版工業鞋一雙。
Isabella透露自己是「大腳八」，平時穿的鞋都要特別訂做，她說：「你哋唔好睇我人仔細細，我要着四十二號鞋，讀書時已經成日俾人笑我係『大腳八』。」
Isabella指腳大也有好處，起碼令她省了不少買鞋的金錢，她說：「因為好多名牌子嘅貴鞋都冇咁大size，而訂做一對鞋都係千幾蚊，所以慳番唔少。」Isabella又表示有紮腳的習慣，她說：「我媽咪買咗啲套住隻腳嘅膠袋畀我，我瞓覺時都會套住對腳，以防隻腳會再大。」
此外，阿Yan昨日二十一歲生日，因她一直留冬菇頭，故其好友官恩娜及Isabella特別送上一盒冬菇給她。壽星女的生日願望是可以早日賺取一百萬及感情得意。這時Boy'Z成員Steven竟自薦做阿Yan的男友，但女方卻嫌棄對方比自己年幼，故當場拒絕，Kenny見狀即加入戰團，最後成功獲得阿Yan的垂青。
採訪、攝影：李珮洳
