霑叔瀟灑的走了，深秋的晚空灑下一陣雨。跟霑叔很有緣，也很投緣，霑叔很肯教人，不隨便教，你肯問、懂問，霑叔一定教。
拍攝《唐伯虎點秋香》時，我跟阿星在前景做戲，霑叔、鞏俐、佩佩姐在遠景暫時當布景板，心情緊張得頻吃NG，越急越NG，老半天完成不了一個鏡頭，「肥仔唔使驚呀！慢慢嚟，我哋再企幾耐都冇問題，新人係咁㗎嘞，冇問題！」霑叔成為了我的英雄、偶像、老師與朋友，霑叔最型！
「人唔使Plan咁多嘅，今日唔知聽日事，最緊要有方向，唔使Plan咁多嘅。」「做打工仔最緊要對得住老闆，淨係對得住自己嘅正仆街。」「幫人拍廣告最緊要令人家嘅收銀機響，如果唔係，拍得幾靚、幾好都係把×。」「無論做緊幾多份工作，幾多個崗位，其實都係做緊創作。」「唔使諗咁多，抓緊每一個機會，做到能力以內最好，下一個機會就會嚟，然後又做好佢，係咁簡單。」「享受生活的小情小趣，看看窗前的自來鳥啄食麵包碎，多開心！」「好唔好玩最緊要，唔係話唔好玩唔做，係唔好玩根本做唔好。」「肥仔，呢個好玩噃，哈哈哈……點玩㗎？」霑叔留下了堪我咀嚼一生的智慧，我懷念這位前輩兼老友得不得了，但我想霑叔更希望我們笑，生老病死本平常，霑叔來過、活過、愛過、恨過，燦爛的一生，精采得不得了。
霑叔愛香港，更愛香港人，霑叔送給我們的說話，都寫在歌詞及文章裏，有空時請看看，也請讀給孩子們聽。
最有型的霑叔，再見了，願天國重遇，再聽見您爽朗豪邁的笑聲，再聽見您叫我一聲肥仔。緊遵您的教誨，我會好好生活，做一個快樂的肥仔。