民主黨員馮煒光喺早前嘅路向營大膽摸老虎屁股，提出黨高層同支聯會分家建議，之後同元老司徒華展開筆戰，馮煒光重一度提出退黨。
八方早前爆料話路向營當日，其實摸老虎屁股嘅人係范國威，范國威晨早睇完報紙即致電八方澄清，話當日佢只係提出「黨政分家」，談到同支聯會分家問題時，佢只係「遙遙呼應」馮煒光講法。
范國威當日點講，一定有紀錄，的確有個別民主黨人指佢老哥先係重炮手，不過范國威誓神劈願話佢冇咁大膽摸老虎屁股，重立即打電話畀華叔解釋，華叔果然老當益壯，只係話已知道事件來龍去脈，知道唔關范國威事，否則唔止批馮煒光，一早就批埋范國威啦。
傳真︰2623-9278
電郵︰