經過大班鄭經翰、民主黨楊森同工聯會王國興幾位議員從中牽線，噚日民政事務局局長何志平終於親自會見冇力支付巨額賠款、通宵喺立法會門外靜坐嘅添喜大廈小業主。
何局長承諾，會以中間人身份接觸大業主，希望賠償收順啲，又會搵財團提供免息貸款，以及透過慈善活動協助業主籌錢。小業主聞言笑逐顏開，答應結束靜坐，希望最後真係會大團圓收場啦。
（圖）楊森（右）等議員，成功拉到何局長（右二）出嚟見吓啲苦業主（右三為王國興，右四為大班），聽到局長承諾協助，班業主終於可以鬆口氣。
馬泉崇攝
傳真︰2623-9278
電郵︰