薛凱琪、陳苑淇、梁洛施（Isabella）、葉佩雯男友郭偉亮（EricKwok）等，前晚在嶺南大學出席歌唱比賽，Isabella自爆近日很崇拜杜汶澤，但卻不敢跟阿澤的女友田蕊妮拗手瓜。
Isabella很喜歡看阿澤主持的有線節目，她說：「我重叫公司啲人幫我，問佢拎佢本書《江湖血淚史》，佢重簽埋名畀我，但我未見過佢。」
提到阿澤，Isabella臉紅紅，她說：「我鍾意佢為人風趣同佢嘅外形，我愛晒佢一切，自己好似小fans，可能見到佢會唔敢講嘢，就好似我唔敢同霆鋒講嘢一樣。」
問Isabella可會跟田蕊妮爭男友，她說：「唔好，我鍾意佢（杜汶澤）好專一。」問Isabella可有「戀父狂」傾向，她竟說：「可能有少少。」Isabella又希望可跟阿澤合作，並不介意有親熱鏡頭。
此外，陳苑淇日前吃鹹蛋飯時，發現蛋中有蟲，嚇她一跳，除即時吐出來外，回家又喝日本清酒圖殺死細菌。
採訪：胡比 攝影：葉君海
