網上政治動員力量不能小覷，唔少團體都有用網上廣播做宣傳，其中較為人認識嘅有45條關注組創立嘅「A45電台」，另一個係「民間倒董力量」班底搞嘅「香港人民廣播電台」。
網上電台唔使攞牌就可以開咪，人民電台見反應理想，今年七月向警方申請社團註冊，等啲籌款活動可以擴大規模，但至今已四個幾月重未獲批，負責人王岸然就質疑警方刻意阻撓。
警方發言人話處理緊個申請，消息人士稱申請搞咁耐，其一係申請人提供資料不全，重有就衰在人民電台呢個名，話可能引起公眾誤會或令人以為影射其他電台，所以要先諮詢影視處。
人民電台初期每星期只做一晚，𠵱家一星期五晚開咪，長毛、何秀蘭、黃英琦、蕭若元、李默同阿牛都有份做主持，有興趣者可上網收聽，
傳真︰2623-9278
電郵︰