中央政策組上星期六搞咗個研討會，請咗史文鴻做主講嘉賓，但唔知點解，史佬個銜頭降咗級做「時事評論員」，唔係自由黨CEO，八方初時重以為史佬發現服侍大老闆難過做學者，所以都要劈炮。
有人同八方講，史佬要做番「時事評論員」，係因為田少唔多鍾意佢代表自由黨講嘢，所以有時唔會畀佢用「自由黨CEO」嘅身份出席某啲公開場合，結果搞到史佬只可以做隱形CEO。
史佬喺自由黨話唔到事已經唔係秘密，不過估唔到佢連用乜身份參加研討會都冇權作主，八方真係戥佢慘。話晒史佬都係知名學者，寫嘅影評又有見地，田少真係應該多啲重用史佬，唔好嘥咗佢嘅才能呀。
傳真︰2623-9278
電郵︰