楊千嬅日前為新歌《簡愛》拍攝MV，為營造聖誕節的浪漫氣氛，攝製隊特別在時代廣場做出人造雪景，又邀請千嬅好友古天樂擔任MV的男主角，不過原來兩人對愛情的看法並不一樣。
楊千嬅日前為新歌《簡愛》拍攝MV，並特別邀請古天樂擔任男主角，兩人在充滿聖誕氣氛的時代廣場拍了以落雪為背景的浪漫MV，對此千嬅說：「呢首歌係講簡單嘅愛情係唔需要強求結果，只要喺過程中開心就得啦！其實我覺得都啱嘅，但你問到我最深處，我梗係想有大團圓結局。」千嬅又指愛情可以帶給人快樂和傷痛，所以在這段時間她只想專心事業，不想談戀愛。
千嬅今次再邀請古仔合作，她解釋說：「我同古仔識咗好耐，早兩年我喺北海道拍嘅音樂特輯都係搵佢幫手演出，咁今次喺香港要拍營造咗落雪景嘅MV，我就諗起最好搵番古仔做嘉賓，佢好好人，一口就答應。」
古仔雖然近期正忙於演出杜琪峰的新片《黑社會》，但仍於百忙中抽空客串千嬅的MV，他說：「之前我拍音樂特輯，千嬅都幫過我，所以今次佢搵我拍MV，咁有時間咪幫囉！不過幾年前我同佢喺北海道拍音樂特輯時因為太凍，我幾乎連對白都講唔到，今次喺香港鬧市營造雪景嚟拍攝，天氣冇咁凍，我反而覺得可以多一份浪漫。」
提到愛情觀，古仔笑說：「我同千嬅想法有啲唔同，佢認為過程最重要，但我就覺得結果就最緊要，因為同一個人拍拖，最終都係希望可以有一個完美結局，所以𠵱家識女朋友，我唔係抱住玩玩吓心態，不過感情事係好講緣份，急都急唔嚟。」
