遇花心賤男留陰影
LisaS.影射吳彥祖用下身諗嘢

名模LisaS.、AnaR.和李嘉慧等昨日往中環演出時裝騷，LisaS.表示仍未看男友吳彥祖扮演花心賤男的電影《公主復仇記》，但她認為男人天性都愛偷食，因為男人腰部以下才是他們的腦袋。

名模LisaS.、AnaR.、Rosemary和李嘉慧等，昨日在中環ChinaTeaClub演出「TDCWorldBoutique2005」時裝騷，分別示範本地時裝設計師LuLuCheung、RaneeK.及品牌Moiselle的服裝。剛從南非度假返港的LisaS.笑言仍然有時差，行騷時像飛一般。

男人愛偷食
問LisaS.有否看過男友吳彥祖主演的新片《公主復仇記》？她說：「我好少入戲院睇戲，或者遲啲睇DVD啦！」吳彥祖在《公》片中飾演一腳踏兩船的賤男，LisaS.說：「我之前住歐洲時都遇過一個咁嘅男友，我當然唔可以接受，有一晚趁佢出咗去，我就執行李走人。」
LisaS.笑說：「每個男人天性都係鍾意偷食，腰部以下先至係佢哋個腦，始終人類都唔係一種專一嘅動物，不過我自己就未試過（偷食）啦！」

退休居南非
LisaS.自言其南非的房子是她唯一的物業，所以特別着緊，她說：「間屋用咗一萬蚊美金買，今次返去裝修，就用咗兩萬蚊港幣，我預咗第時退休就住喺呢間屋，得閒喺後花園種吓花。」
採訪：梁錦雯　攝影：陳志嵐