陝西省今日起一連三日喺會展新翼舉行招商活動，為咗增加吸引力，大會特別安排喺最近兩年先新鮮出土嘅古代文物，供市民觀賞。陝西省副省長趙德全噚日喺記者會上話，呢批文物有二千年歷史，遍及周、秦、漢、唐朝，共有一百三十五件，係中國近年重點發現十大文物之一，有啲重只喺北京展示過。
自從簽咗CEPA，來港嘅招商活動特別頻繁，今年就總共接待咗二十多個省市招商團，單係今個月已有黑龍江省、遼寧省、海南省同陝西省四個咁多。
趙德全都覺得，過多招商項目令港商吃不消，佢強調，陝西省會務實處事，畀多啲時間商家傾生意，一啲一早傾好、形式上嘅簽約儀式盡量少做，更加唔會設定簽約金額指標。
陝西都知要務實，特區呢就……
傳真︰2623-9278
電郵︰