警隊一哥李明逵噚日出席香港報業公會嘅午餐會做主講嘉賓，講警方同傳媒嘅關係，當佢講到警方發放消息嘅標準，李一哥同傳媒高層就立即擦出火花。有傳媒高層話，如果李嘉誠喺屋企跌親，會係大新聞，但喺警方眼中可能只係一個阿伯跌倒，小事一樁。一哥即刻幽佢一默：「如果李嘉誠俾人扑頭，咁當然係大件事，但如果佢喺屋企跌倒，佢可能根本就唔會報警，只係會叫白車送佢入醫院，警方唔能夠雞毛蒜皮嘅嘢都發放。」
不過，李一哥都承認，傳媒嘅監察有正面作用，好似早前佢回應旺角警署走犯事件，佢當時話警方一年拘捕幾萬人，走一個犯不足為奇，佢話身為「一哥」，咁講會畀人有輕率嘅感覺，實在係唔應該，今次真係上咗寶貴嘅一課。
（圖）李明逵認低威，唔知係咪近排有睇古裝電視劇所致。
傳真︰2623-9278
電郵︰