民主派堅持若獲阿爺接見「一個都不能少」，大班鄭經翰上周末卻賣甩兄弟去咗上海，佢話此行純粹吃喝玩樂，食吓大閘蟹，冇見過任何京官、滬官同黨官，但喺上海灘頭，時運低，偏偏撞見岑建勳，不過佢好口密，唔肯爆對方有咩人相伴。
大班咁有雅興旅遊，一時去上海，一時去九寨溝，以為佢好得閒，其實佢喺橫頭磡個地區辦事處已密鑼緊鼓準備下個月開張，大班對辦公室一向要求嚴格，先使五萬幾蚊裝修中環個辦公室，地區辦事處亦要統一風格搵專人做室內設計同裝修，更指令職員唔可以堆放大聲公、橫額等雜物，總之辦事處唔可以搞到立立亂，失禮街坊喎。
傳真︰2623-9278
電郵︰