民主黨最近風雨連場，但身為元老嘅華叔到𠵱家都天威難測，無可奉告，雖然華叔𠵱家全力搞支聯會，但八方都好想知道華叔點睇。講開華叔，佢前陣子同黨員馮煒光開晒片，因為馮煒光喺集思會中提出民主黨要同支聯會分家，重搞到馮煒光差啲要退黨。有知情人士同八方講，其實嗌分家嗌得最大聲嗰個係「范國威」，馮煒光呢鋪真係做咗替死鬼。
知情人士又話，其實喺集思會入面，馮煒光淨係附和咗兩句，但因為華叔冇開會，第日睇報紙見馮煒光講分家，華叔睇報紙後誤以為馮煒光係始作俑者，結果就同佢開片，冇片范國威，呢鋪真喺「黑狗得食、白狗當災」。
傳真︰2623-9278
電郵︰