趙世光太太何琍琍成立華萃基金弘揚崑劇，前晚與名作家白先勇等往上海大劇院欣賞崑劇劇目「牡丹亭」。她指「牡」劇上演令她蝕本，但不妥協不認輸是她的性格，愛情觀也是一樣，一般人覺得女人多被人欺騙，她以過來人認為男人被騙的機會更大。 記者RitaLeung、EdwradChou上海直擊
趙世光太太何琍琍為弘揚中國國粹崑劇，早前成立華萃基金，呼籲內地人士支持。前晚她與名作家白先勇及女兒趙式和在上海大劇院欣賞崑劇「牡丹亭」，何琍琍更細說認識白先勇的淵源，她說：「當年白先生邀請過我演佢筆下嘅角色，但當時我已經宣布息影，估唔到咁多年又會因為崑劇而再聚首，真係有緣。」
何琍琍表示現在崑劇在內地正處斷層危機，希望可開設學校培訓學生，她說：「𠵱家啲人淨係識得睇電視，啲科學家都話睇電視多會阻住個腦發展嘅。」所以她不惜蝕本也要上演「牡丹亭」，問她投資的資金是否來自丈夫趙世光時，她說：「我咁多投資，唔係佢（指趙世光）支撐邊個支撐？不過今次嘅錢係經我戶口出嘅。」何琍琍續說：「我做事嘅原則係唔妥協、不惜一切、從來唔認輸嘅，輸同失敗係兩回事，失敗即係放棄。」
問何琍琍的愛情觀是否也一樣時，她笑說：「都知你哋會咁問，啲人成日覺得呢方面女人係俾人呃，我覺得男人俾人呃機會重大，你哋想話趙生呃我，我話你知，趙生好錫我，人要有寬闊心，自己開心咪得囉。趙生好支持我做嘅嘢，佢卧病在床時重同我講『你咁鍾意搵美麗嘅嘢，𠵱家搵到答案啦』。」
何琍琍更透露丈夫現時需坐輪椅，消瘦了三十多磅，她笑說：「佢之前嘅身形係比較宏偉，𠵱家瘦咗靚仔好多，搞到我有啲擔心。」最後問她與丈夫上月的結婚周年紀念不能在漾樂居舉行，有否失望時，她說：「梗係有遺憾，希望出年搞好啲囉。」
