恒生銀行年尾請食晏，各大傳媒代表成二十人出席，張枱細啲都坐唔落。自從沙士之後，冇再食蛇羹，不過菜式唔重要，難得咁齊人傾吓偈。鄭海泉大班席間講教育，佢話自己大器「晚」成，所以特別體諒啲會考攞十幾分嘅同學，尤其係遲發力但有潛質的男生，社會應該畀個機會佢哋。
所以恒生商學書院，本來係想栽培中等成績嘅同學，點知𠵱家變咗名校，會考二十幾分者都衝晒嚟報名讀預科，真係難為了院長。點解咁吃香？當然因為辦得好，鄭大班話，恒生商學書院的儲備有數億元，可能多過有啲大學，而有滙豐同恒生兩間大銀行做後盾，啲學生可以嚟實習，畢業後搵工又易啲，難怪吸引優秀同學搶學位。不過學院正大搞副學士學位課程，呢一樣就真係可以照顧啲「晚」成學生。
傳真︰2623-9278
電郵︰