陳慧琳（Kelly）和林峯等前晚參與《勁歌金曲》，Kelly表示下月舉行的演唱會，男友會贊助昂貴的絲花給她造裙子，她就將自己演唱會門券送給男朋友以報答他的幫忙。
陳慧琳（Kelly）、林峯、女子組合2R和古巨基等，前晚在無綫將軍澳電視廣播城演出節目《勁歌金曲》。Kelly為了配合新歌《紙醉金迷》，穿上金色西裝表演，十分搶眼。
Kelly將於下月在紅館舉行演唱會，並透露會穿着一條絲花製造的裙子，Kelly說：「條裙有幾千朵花，設計師幫我喺日本訂絲花，平嘅要幾百蚊，貴嘅要過千蚊，成本真係好高，好彩男友公司做呢啲嘢，佢應承贊助我，慳番唔少，我着完條裙會放喺佢公司做生招牌。」Kelly為了答謝男友相助，已送了新遊戲機給他做禮物，另外亦會送他演唱會的門票。
林峯主唱無綫劇集《天涯俠醫》的主題曲，他前晚第一次上《勁歌》現場演繹，表現不俗，林峯說：「我為咗唱得好，之前喺屋企苦練咗幾日，呢排又開緊新劇，都好忙，我本來把聲都好好哋，但台慶攞咗獎之後，我同吳卓羲去慶祝，大家猜枚玩到聲都沙晒，所以我狀態都唔係幾好。」
2R被邀做嘉賓主持，但二人擔心廣東話不流利。2R說：「我哋細細個喺新加坡就睇《勁歌》錄影帶成長，呢次可以真正參與好開心，今晚又有Kelly，佢係我哋嘅偶像。」
採訪：卓寶花 攝影：何國豪
