無綫新節目《香港直播》噚日喺將軍澳電視廣播城進行首播，呢個新節目將會圍繞社會熱門話題、娛樂、Phonein、財經等作賣點，噚日第一日播出，無綫請咗李鵬飛、湯家驊同陳婉嫻、歌手梁詠琪同方力申等人擔任嘉賓撐場，湯家驊更即場拎住結他自彈自唱。
無綫高層陳志雲以嘉賓身份喺節目裏面介紹乜嘢係直播節目，佢話：「直播節目係晴天、陰天都要出發做嘅，唔係淨係晴天先出發嘅。」在場嘅飛哥聽到都忍唔住笑咗出嚟，由以前商台節目《茶杯裡的風波》至𠵱家嘅《在晴朗的一天出發》，相信都令飛哥感到百般滋味在心頭。
（圖）湯大狀（左）自彈自唱為無綫新節目撐場，歌手梁詠琪（左二）聽得好投入。何國豪攝
傳真︰2623-9278
電郵︰