日前，記者把善長送贈的九成新手提電腦給予傷殘漢阿才時，他連聲感激地說：「好開心，終於等到有部電腦，達成心願，呢部電腦好新、好靚，自己坐輪椅根本唔能夠周圍走，電腦就係我最好嘅朋友，我可以透過電腦上網學多啲嘢、同外界有多啲接觸，生活冇咁悶，精神上亦有寄託，好衷心多謝蘋果日報、同埋嗰位善心人士，令我感受到人間溫暖。」
五十歲的阿才早年與妻子離異，他原在廣告及顧問公司工作，今年三月，阿才的右腳不幸長了血管腫瘤，手術後因血管爆裂及神經線組織缺氧，導致下半身癱瘓。出院後，他獲轉介入住護養院休養，現靠綜援金維生。
月前，阿才透過本報呼籲盼獲讀者捐贈一部電腦，助其自學電腦設計，作為日後謀生工具；同時，他計劃把人生低潮及經歷寫成自傳，勉勵他人。
阿才的需要經報道後，喜獲善長轉贈一部九成新的手提電腦，應付日常需要，他坦言：「靠自己邊有咁多錢買部手提電腦，我一定好好珍惜呢部電腦，𠵱家首先會畀心機學好中文輸入法，繼續打埋自傳啲手稿，之後會再上網學電腦設計，希望將來可以搵嘢做，自力更生。」捐款編號：C1465
暖流熱線
電話：29908688
傳真：23702192
電郵：
網址：