駐京辦主任梁寶榮俾人掟咗上北京雪藏咗一段時間，寶官雖然成日話要返香港，但睇怕短期內都搵唔到人接手。其實駐京都唔錯，八方恨都恨唔到，因為《蘋果》想駐京做新聞都冇得駐，至於寶官就可以成日喺中國自由行，好似上星期咁，寶官就去咗毛澤東嘅故鄉湖南推廣CEPA。
寶官同咗好多當地嘅領導會面。佢去到長沙就話，原來香港同長沙早於五十年代就開始貿易，當時香港好多濕貨都係來自長沙，港資𠵱家已經係湖南主要嘅投資來源，單係○三年，香港嘅實際投資，已經佔咗成個湖南省總投資超過五成。
（圖）駐京辦主任梁寶榮（左）贈送香港境貌銅版畫畀湖南省副省長賀同新。
傳真︰2623-9278
電郵︰