東亞銀行二公子李民斌Brian七月加入東亞之後，雖然有代表過銀行出席公眾場合，但噚日先係第一次正式見傳媒。八方早幾個月見過二公子，已同行家講，話佢開始似老竇，點知噚日同佢傾偈，先發現佢除咗個樣之外，說話談吐，尤其係對傳媒嘅態度，更加似寶哥哥，真係無九成都八成半。
點解話開始似？事緣早幾年見到Brian，當時覺得外甥真係多似舅（佢舅父係潘廸生），點知仔大十八變，佢就由似舅父變成似老竇。
Brian話今年七月左右加入東亞，之前喺銀行旗下嘅資產管理公司工作。九八至○○年曾經喺投資銀行高盛打工，𠵱家返嚟搞商業銀行，佢覺得最大嘅分別係商業銀行同客戶關係比較長久，而投資銀行就係一宗一宗嘅交易。返香港前，佢重喺美國史丹福大學讀咗個ＭＢＡ。梁鑑章攝
傳真︰2623-9278
電郵︰
