十個手機用家,九個都會搵個套袋住佢,不過𠵱家手機失竊案頻繁,雖然貼身袋住,由於手機套太易開,去到人多嘅地方都好易俾人偷咗都唔知,不如自己做啲防盜措施重實際。 日前市面上就出現一款防盜手機套,外形與一般手機套無分別,但係背後多咗個開關掣,只要一打開機套就會響,原因在於機套內嘅磁石扣連接着一個喇叭,只要打開就會響,唔會俾人靜靜雞打開偷手機都唔知。呢款防盜套分有震同響兩款,若然怕開套拎手機會騷擾到人,揀個一開即震嘅一樣可以防盜! 記者、攝影:劉耀祥
世紀皇朝 查詢電話:23922007