城市脈搏:朗豪坊腳仔軟攻略<br>等住搭「天國的階梯」食飯去

城市脈搏:朗豪坊腳仔軟攻略
等住搭「天國的階梯」食飯去

由初期個個「睇你哋點死」,到今日個個爭住行嘅旺角朗豪坊終於上星期三(17號)正式試業。初來朗豪坊的客人都表示電梯有點混亂,「唔知自己兜咗去邊。」但其實只要玩掂兩條連接4至8樓及8至12樓的通天梯,要一口氣掃勻整個朗豪坊大肆購物,真係話都冇咁易!

記者:陳慧敏 攝影:伍慶泉、黃子偉
Models:Crystal、Ruby、Nokia(StarAsia)

商場大部份名店由11:00am至12:00am開門,所以最好先掃1至4樓的西武及名店,然後在「美食廣場」歎個靚Lunch,等TheSpiral中的後生仔商戶開齊,接着小記建議跳過5至7樓不逛,花3分鐘乘兩條通天梯直上12樓,逛集合了潮流小店的TheSpiral。因為8至12樓旋轉式購物廊間無電梯相接,故由上至下,順住約180間由利時、金百利等刮來的小店走,揹住一身戰利品,接走7樓無印良品及運動用品繼而往下逛就最慳水慳力。

TheSpiral潮店精選

Shop1
全港最新E-Nail指甲機
坊間流行的指甲機統統不過是Sticker,這部直接由日本引入的指甲機E-Nail為全港首部,可直接將圖案Print在指甲上,圖案花紋更是細緻。每次收費$99,可維持一星期至10天左右。

ZONE109
位置:10樓2號舖
電話:35149028
時間:12:30pm-10:30pm

■打印需時不過5-6分鐘,還可以10隻手指款款不同!

■塗好底油,在電腦上挑好花式,就可以塞對手入「Printer」print出來。

Shop2
特色純銀飾品店
全店都是來自意大利、香港或東南亞的特色銀首飾,出街絕不會撞口撞面。最新推介歐洲款紫檀木戒指及手鏈,木質與純銀結合很特別。

TimeSilver
位置:12樓18號舖
電話:35144134
時間:11:00am-11:00pm

Shop3
日式部屋必備
利時地下那家大熱家居用品小店也到此湊熱鬧,創意潮流擺設如齒輪鐘、Lego款月曆、廁紙筒等,布置家居必備。

君ㄟkimine
位置:9樓3號舖
電話:23121608
時間:1:00pm-11:00pm

Shop4
本地製作
除了TheSpiral外,朗豪坊內還有不少本地年輕設計師製作的品牌。例如直落5樓b+ab旁的F°b,衣服設計以簡約剪裁為主,無論設計及車工都在香港進行,經過多次試辦,比較貼近港人身形及喜好。

F°b
位置:5樓11號舖
電話:35149116
時間:11:00am-11:00pm

■純羊毛長外套,有四個顏色,比較配合香港人身形,穿起來反而顯得又瘦又高呢!$595

TheSpiral顧客點睇



乘「天國的階梯」食飯去
傍晚時分又回到四樓,係時候食飯,或者再次踏上天梯,順住藍天白雲天幕美景徐徐而上,感受正宗「天國的階梯」!天幕仍在測試階段,約在1-2星期內正式投入服務。但現在傍晚6點零鐘不時進行試燈,包括播放片段同射燈測試,連「睇咗好多次」,不便出鏡的「實Q」哥哥都話會不經意地睇足半個鐘,他還建議走上12樓睇最清楚。小記現謀住13樓OZone幾家高級食肆12月開幕,事關天幕延綿至13樓食肆上空,煙花、白雲甚至閃燈就在你頭頂近距離起變化,感覺High過浪漫過喺4樓多多聲,小記跟攝影師顧住抬頭望差啲跌親!

天幕開放時間:
每日6:00pm-11:00pm

Happy(右):「幾好行呀!但呢度一啲都唔似利時,大咁多!」
Ivy(左):「兩條通天梯好斜,搭落去或者回頭望時都有啲驚。」

豪:「都OK啦!可能因為未開齊,都係賣女仔衫多,唔覺有好多好特別嘅舖頭。」
芝:「啲電梯呢度一條嗰度一條,感覺有啲亂。TheSpiral行幾步斜路又行幾級樓梯,啲樓梯顏色又似,我覺得好易跌親呀。」



朗豪SnapShots
基本上除了未開幕的12、13樓OZone,朗豪坊內大部份地段大家都行過晒,不過大家有無留意過砵蘭街周圍,除咗多咗間「朗豪芬蘭浴」同多咗人外,重有啲乜嘢唔同?

■4樓有近20間食肆,中間20個公用座位給表哥、大家樂等快餐店共用,好似唔係好夠用。或者可以留肚到散落在TheSpiral各角落的扒王之王等餐廳再解決!

■畫面一出就聽到通天梯上有人「嘩!」咗出嚟!喂!唔好掛住抬頭睇,記住扶緊條電梯呀!

■播放片段的同時,強勁與輕柔的音樂輪住放,唔怕你唔啱聽!



茶餐廳不死
朗豪坊開業後,新聞報道周遭商舖大幅加租,部份加幅由三成到七成,各名牌化妝品店又相繼湧入,各舊街坊老商戶又點睇呢?

■來到12樓「天空花園」,好多人都自自然然向10點鐘方向的角落走去。做乜?剛啱有個凹位,啲人走過去睇風景囉!

■為配合旺角潮點,連詢問處的職員都脫下悶鬼制服,便裝一度之餘披條桃紅/黑格仔頸巾,醒神得多。

■印象中砵蘭街同山東街一帶連路牌都「霉霉哋」,口依家隔個街口就有個新淨到識閃嘅新路牌之餘,還多加了門牌號碼,清楚得多。



停車場
喺砵蘭街及山東街一帶人多貨車Van仔更多的地方,搵個泊車位,靠的是5分運氣3分勇氣(你敢將架靚車周街泊?)2分財力。位於朗豪坊山東街入口的停車場開業日未定,$30/小時地段方便,比起柏裕貴咗少少,不過夠就腳,各位車主請昅實!

車位:250個
營業時間:11:00am-11:00pm
收費:$30/小時(不設電單車位)
周六、日及公眾假期2個小時起計。

■嘉美茶餐廳夥計:「其實晚市午市影響唔大,但下午茶時段生意就好咗兩、三成度,啲人行完街都過嚟食嘢㗎!」

■采悅亭小食店:「我唔係老細,租約未滿,加唔加租我唔係好清楚,不過 家人流多咗,生意都大概多咗三、四成!」