組合PingPung的主音Kary近日扁桃腺發炎，本應好好休息的她，前晚演出音樂會時卻穿上性感裝束上陣，背後風光無限，並跟同台的古巨基熊抱，但基仔自言手汗多，一攬Kary就跣手。
古巨基、楊千嬅、梁漢文和組合PingPung前晚在灣仔會展演出「愛樂在新城古巨基、楊千嬅、梁漢文音樂會」，徐濠縈和梁漢文的女友Karen結伴捧場。其中PingPung主音Kary衣着性感，露出玉背和腰肢，及後還與古巨基熊抱，非常搶鏡。
Kary近日扁桃腺發炎，醫生勸喻她要好好休息，保養聲線，但她前晚露出大片玉背演唱，問Kary其父親會否詐型，Kary說：「爹哋向來好開通，我哋Cookies新碟嘅相重性感，而且重有誘人甫士㖭。」
在台上與Kary擁抱的基仔，被取笑有幸食Kary「波餅」，他即說：「唔好講呢啲嘢，人哋細路女，我都多手汗，喺佢背脊一攬就跣手，我都驚整親佢。」
而梁漢文則駁髮演出，他說：「駁咗髮都好唔自然，我好唔習慣，我當時覺得自己似黎明。」而梁漢文、基仔和楊千嬅合唱時，千嬅突然甩鞋帶，差點跌倒，幸好她醒目地拉實基仔。
此外，基仔昨日到銅鑼灣出席慈善義賣活動，卻被一名拿着口琴的男士用粗口辱罵：「×你老母，古巨基收工。」工作人員見狀即帶走該名男子。基仔的助手事後說：「聽大會講，呢個男人成日喺呢區鬧事，見怪不怪，都唔係針對基仔嘅。」基仔又表示穿過人群到會場期間，被人搣到盆骨位置，令他十分疼痛。
採訪：王連連、卓美娟
攝影：陳偉權
