鄧萃雯在無綫台慶「我最喜愛的女主角」爭奪戰中輸給黎姿後，連日來妙語連珠揶揄黎姿，昨日她又說：「有啲人要攞住一樣嘢先覺有支持。」雯女表示自己遇難愈強，有打不死的精神。
林保怡和黎姿雙雙奪得無綫「我最喜愛的男、女主角」，鄧萃雯卻大熱倒灶，而無綫亦因此被觀眾狂轟，雯女前日更明寸黎姿說：「黎姿等咗十八年，畀佢又可以起鼓勵作用，都係好事，攞獎只係hit一排唔係長久，實力最重要。」而黎姿又被指以無綫經理人合約換取獎項，事件可謂餘波未了。
林保怡、黎姿和雯女昨日分別出席宣傳活動，黎姿到新城電台為廣播劇錄音，問到被雯女寸，黎姿說：「我冇話過恨攞獎，每個人諗法唔同，大家應該平常心對待，唔係我𠵱家攞咗獎講風涼說話，個獎所有台前幕後都有份，冇其他角色又點會有火花。」至於被指簽無綫經理人合約換獎項一事，黎姿表示仍未與無綫洽談合約。
而鄧萃雯昨日則以頒獎嘉賓身份在尖沙嘴美麗華酒店出席「2004年度蒙妮坦美髮美容學院畢業典禮」。
雯女得悉有大批fans在網上留言和傳真到報館支持她，身為基督徒的她說：「咁多人鍾意如妃呢個角色，真係要感謝神。我自己一啲唔開心都冇，神知我都唔係好鍾意做第一，有大家嘅鼓勵同支持已經好滿意，我係有打不死精神嘅人，遇難愈強。GiGi（黎姿）需要獎項畀佢信心，有啲人要攞住一樣嘢先覺有支持，神畀我群眾嘅支持，大家都得到自己想要嘅。」
此外，林保怡、官恩娜和黃伊汶等人昨日在奧海城出席苗圃行動舉辦的活動，保怡大讚雯女夠豁達，黎姿亦曾努力過，但他表示結果已經落實，大家應該接受。
而無綫新節目《香港直播》今日早上將會邀請無綫高層出席，談論林保怡和黎姿獲獎一事，並大膽接受巿民批評，歡迎觀眾致電發表意見。
此外，張智霖昨日表示替老友黎姿高興，他說：「睇到佢有畀心機去演，玩得呢個遊戲就要輸得起，其實我都tip中賽果，所以我都有潛質做TVB高層。」
採訪、攝影：卓美娟、卓寶花
