澳門特首何厚鏵好受歡迎，佢出席三級方程式頒獎禮時，就有車迷鼓掌，何生受歡迎原因唔使多講，佢最近重宣布加澳門公務員人工㖭，希望我哋嘅董特首學到啦。
今年新聞中心入面，加設兩部數碼相片打印機，免費畀記者朋友第一時間印出心水照片。昨日關兆昌嚟到新聞中心，有工作人員靈機一觸，即時捉住Charles合照，重即刻去打印相片同攞埋簽名。關兆昌退休喎！張相一定好有紀念價值。
賽車女郎喺賽車必成焦點，某公司在今年大賽特別邀請多位性感女郎，穿起她們的最新商品──隱形胸圍。她們更嫌宣傳唔夠勁，更不定時在攤位向車迷派風褸，引起全場起哄。
賽會特別加插電單車、保時捷及雙坐位三方程式賽車接載幸運觀眾。其中有幸坐在「格電」冠軍路達身後的車迷名字叫Eric，係香港一名律師，他說：「真係估唔到咁快，好刺激。」
