林明珠搞藝術阿媽力撐

林明珠旗下的藝廊前晚假上海芝大廈會所舉行晚宴，出席者有其母顧瑞英、兄長林建名一家及孫中山孫女孫穗芬等人。
林明珠出名醉心藝術，問顧瑞英女兒投身這項事業，付出多但回報少，又常以名牌服裝示人，豈非大花筒一名？顧瑞英說：「乜嘢大花筒？佢唔賭唔毒，做嘢啫，好多人一晚食一餐飯都幾萬蚊啦，佢做藝術都係幫國家啫，同埋買衫買得幾多錢啫？」林明珠兄長林建岳大搞電影事業，亦甚為高調，她則說：「Peter（指林建岳）搞電影都係為搵錢，不過佢銀紙多啲，我哋就冇啦。」

林建名膽固醇高
另外，前晚記者發現林建名皮褸口袋有一包藥，問他為何藥不離身時，他說：「我膽固醇過高，要定時食藥。」問他是否見趙世光中風所以響起警號？他說︰「係呀，都驚㗎。」
記者RitaLeung、EdwardChou上海直擊

林明珠母親顧瑞英（右）落力招呼有份參展的鄭兆良（中）。

林建名因膽固醇過高，所以藥不離身（箭嘴示）。