飲食人誌：<br>直徑7吋木桶魚腐$38扺食

飲食人誌：
直徑7吋木桶魚腐$38扺食

打正旗號賣順德菜，但餐牌卻發現茶餐廳的早餐、三文治和炒粉麵飯，老闆袁先生說：「上午是茶餐廳，夜晚就當作小菜館，方便吸納不同客人！」食客不用擔心餐廳顧此失彼，順德菜做得不夠正宗，皆因老闆找來順德人榮哥當大廚，憑他近三十年的廚藝，吃到的準會是順德風味。

記者：招佩珊
攝影：伍慶泉

經驗大廚變老闆
袁先生首次自資進軍飲食業，以順德魚湯米線作招徠，他說：「近年興食魚湯米線，附近一帶又沒有呢類食店，決定做埋順德小菜。」他本是粵菜廚師出身，從事飲食業三十多年，曾任大酒樓的總廚和董事總經理，由他做品質檢定，絕對不容食物跌Watt；但更重要的是他找到榮哥，這位煮得一手家鄉風味的順德人主理廚部，兩位大廚雙劍合璧，要做好「順德人」。

■至靚位，街景卡座。

食物餐具統統講究
既然以魚湯米線作主打，就先來一碗魚腐米線。奶白色的魚湯鮮甜，喝了半碗也不覺口渴，顯然沒有加味精，原來湯底用鯊魚骨、鯪魚和豬骨熬至少5個鐘，甜也是理所當然；而魚腐入口彈牙，比一般鯪魚球多了陣蛋香。
當魚腐化身成小菜時，跟粉絲、雜菌和雜菜連同魚湯一併放進木桶內，不但賣相精緻，更有保溫作用，吃到最後依然是暖笠笠。小木桶直徑7吋，高5吋，有一定容量，收$38，十分抵食。袁生不惜棄用瓷器湯鍋，買入價錢較貴的木桶仔，可見他重食物質素之餘，連包裝亦相當講究。

創意炸蝦限賣20份
必試的還有2位大廚一起鑽研的龍鬚鳳尾鵝芝心，是在原隻剝殼鳳尾蝦和一片煙鵝胸肉之間夾一片芝士，綑上切成幼絲的春卷皮後再炸。入口先是香脆的春卷皮絲，接着是爽口的蝦肉和煙韌的鵝胸肉，其間更吃到陣陣芝士香；集多重味道和口感的炸蝦倒是首次嘗到。由於包1件至少要花上15分鐘，每晚榮哥只做20份（1份6件），要品嘗美味就要把握時機。