風、雷、雨、電，都是我們從小就認識的天文現象，大家都知道香港有間天文台，幫香港人記錄及預測每日的天文現象。咁大家又知唔知道天文台點樣得到咁重要的資料呢？今期小蘋果就幫大家搵到答案啦！
記者：小辣椒
攝影：雲妮
鳴謝：天材互動教育玩具（28897002）
今次喺玩具公司搭建了一個臨時天文台，器材由玩具公司一手包辦，小蘋果乖乖坐定定，留心聽住姐姐解釋，點樣睇風向同埋記錄雨量，之後重試做潛望鏡同埋玩變色陀螺考視力，目標係要做一個「小小天文光學科學家」。
大家一直忽略咗5歲半的家維，同埋6歲的Cari都露出沮喪的表情，原來佢哋重未學到認方向同埋睇量度表，最後佢哋都能夠完成所有題目，成功做到「小小天文光學科學家」。不過成功的道路有好多阻礙，家維好似一個孤兒仔，不斷俾「好心的」左鄰右里戲弄，工作紙花過花面貓，好可憐！
究竟光學係乜東東？小蘋果都唔知道，兩位司儀姐姐就教大家自製潛望鏡同玩陀螺，用兩個例子解釋我哋的眼睛究竟看到了甚麼？為甚麼眼睛有時會呃咗我哋呢？
問：陀螺上的紙明明有紅藍兩隻顏色，但在轉動時，點解會變咗紫色呢？
答：因為眼睛唔夠陀螺的轉動快，令我哋睇錯咗，以為陀螺變咗另一隻顏色。
問：點樣自製潛望鏡？
答：
1﹒準備一個長方體的空心盒子。
2﹒於前面頂部及後面底部各開一個四方窗口。
3﹒於兩個窗口的後方以45度角插入小鏡子，鏡面面向另一塊鏡面。
4﹒將眼睛放在後面底部的窗口，就可以看到前面頂部窗口一樣的景物。
