小朋友尤其是男仔，有邊個唔鍾意玩車仔的請舉手！相信只有少數人嘞，如果唔係就唔會長年都有大人、細路光顧玩具專門店啦。港產車仔REAL-X一直以來生產過唔少車款，包括寶馬、福特、保時捷、本田等，雖然小朋友未必個個認得所有車名和車款。不過REAL-X車仔就做到好似真車一樣，造型同手工都好靚㗎。 如果你都有儲車仔的習慣，不妨幫手諗諗點樣幫架新Mini車仔填色及設計新花款。十名最佳作品的得主，可以獲得由瑞華行送出的一套三色新Mini車仔，總值$59.7。
