旺角新蒲點朗豪坊上周開張大吉，睇住呢個長達十五年嘅市區重建項目，感受最深嘅應該係發展商鷹君副主席羅嘉瑞。為咗呢個項目，鷹君要孭重債，好彩天從人願，朗豪坊開幕之日，香港食正自由行熱潮，零售業復甦，旺角商舖大業主放晒聲氣要加租。
講開朗豪坊，八方知道一個有關呢個重建項目嘅故事。話說當年為咗呢個項目，旺角雀仔街要另覓地點賣雀，結果搬咗去𠵱家近住花墟嘅雀仔公園。羅嘉瑞當年豪擲二千萬元協助興建新雀仔街，唯一要求就係由佢父親羅鷹石喺雀仔公園入口嘅牌匾題字，難怪知情者盛讚羅嘉瑞夠孝義。下次經過雀仔公園，記住欣賞吓「鳥語花香」呢四個字，五百萬一個㗎。
傳真︰2623-9278
電郵︰