陳慧琳（Kelly）昨日以形象大使身份到旺角新世紀廣場出席「亞洲遊戲展2004」，Kelly表示自己曾經沉迷打機，她說：「我試過玩RPGgame為咗要過版，總共不眠不休咁打咗十八個鐘頭機，之後個黑眼圈都出晒、腰骨又梗晒，所以我勸大家玩任何嘢都要適量。」
此外，Kelly透露日前訂做了一個二萬元的假髮來配合演唱會的造型，她說：「嗰個髮型係好大個嘅，成嚿棉花糖咁，我考慮會將佢染成粉紅色，由於全部係由真嘅頭髮做成，所以會好貴。」
另外，Kelly指其形象指導更專誠為她到法國、日本及英國三地搜集金色布料來縫製一條長傘裙。
採訪：李珮洳
攝影：葉君海