「中風後好好衡量我嘅重要性」
何琍琍、趙世光感情大躍進

趙世光太太何琍琍前晚在其投資的漾樂居，舉行弘揚昆劇慈善晚宴。趙世光早前中風，何琍琍不辭勞苦中港兩邊走，她稱夫妻感情因此更進一步，她又表示該段期間正好給丈夫思考，衡量她的重要性。　記者RitaLeung、EdwardChou上海直擊

趙世光太太何琍琍早前與鄭明明合作成立萃華基金，旨在弘揚中國國粹昆劇，前晚在其投資的高級會所式餐廳漾樂居筵開十八席，舉行慈善晚宴，出席者包括何琍琍的子女式慶、式和及式平、著名作家白先勇、姚煒及陳美琪夫婦等。

等埋夫婿慶祝
何琍琍自言破紀錄在四個月內開設漾樂居，其間遇上丈夫趙世光中風入院，她要兼顧事業和家庭，往返上海香港兩地，十分辛苦。
何琍琍說：「嗰段時間我每日瞓幾個鐘咋，而漾樂居嘅開幕活動會延至明年，等我先生完全康復上嚟一齊慶祝。」
何琍琍續說：「早排先生身體差，我好大責任，要兩邊走，𠵱家佢已經係康復期，冇報道話嗰啲乜嘢神志不清。」

「瘦咗二十幾磅」
趙世光中風後消瘦很多，何琍琍說：「係呀，瘦咗二十幾磅，佢𠵱家食得好清淡，佢好乖，見到鍾意嘅食物都唔敢食，而且經過呢次後，我哋夫妻感情更加好，始終我個心有佢，佢個心有我，係一早種落嚟嘅，呢段時間亦正好畀時間佢思考，衡量我嘅重要性。」
問到投資漾樂居花了多少錢？何琍琍笑說：「有好多個千萬，不過會賺得番嘅。」會所設計是否由她一手構思？她說：「我雖然冇讀過設計，但係一把年紀，見過、去過咁多地方，呢啲難唔到我。」