噚日八方晨咁早，千里迢迢走入去香港仔運動場，為咗乜？咪係為咗去由警察叔叔搞嘅「警民攜手為公益」囉！講起呢個活動就勁啦，八方咁大個仔，都未見過咁多警察，現場所見大大話話都有成百個軍裝警察，喺入口重有啲阿sir揸住支手臂咁長嘅長槍㖭！
警方派出咁多警力，八方諗除咗係保護噚日出席活動嘅一哥李明逵外，亦都想話畀市民聽，警方好樂意同市民一起為公益啩……講番個活動，叫得為公益，當然就唔少得公益金之星黎明啦！佢除咗一早到場不停同人打招呼外，重唱咗首「男兒當自強」，現場觀眾都好受落。
不過，八方對之後嘅大型表演「岳飛英雄傳」興趣較大，唔知一哥喺咁多個中國傳統故事中，特登揀呢個「精忠報國」嘅古仔，有無特別寓意呢？
（圖）警隊開幕表演岳飛傳，唔通一哥想表示「精忠報國」？
傳真︰2623-9278
電郵︰