勁吞七隻光蛋後，面懵懵皮笑肉不笑拉隊返港的霍公子說，港隊向來重視體育精神。像傍友的港隊教練則厚住臉皮說，港隊打得算唔錯咯，已經盡晒力。
盡晒力？我呸，來自大連的裝修師傅憤而向茶餐廳地板吐出一口濃痰，一邊猛用鞋踩一邊大數港隊不是：香港人要屍爬有屍爬，要自由行有自由行，中央給香港特區開放大水喉，胡溫關照，真金白銀撐場。到「國難」當前，香港人不知報恩，不搞配合，累國家隊出局出洋相，董建華呢條友，真是老到懵。霍公子淨係掛住叫個仔加大力度，幫佢圓了飲杯金牌國寶新抱茶的奢侈心願，呢條友仔，還自詡愛國名門之後，他懂哪門子體育？幹麼不早早安排好，叫他奶奶的港隊輸夠七七四十九比零！
港隊淪為七○部隊，事前已有迹象，放晒聲氣會心繫家國，願意犧牲小我，香港衰，中國好，成全祖國大業。體育精神高，還是愛國情操強？港隊已經用七隻光蛋展示了立場。球員盡晒力，輸波都很費勁的嘛，教練說得沒錯。香港各行各界，其實也在高調地「港隊化」，逢迎中央，扭曲價值，政治波踢到出晒界，出位出力。
市民對本地波無feel，港隊這次吃炒蛋，雖然完成國家任務，但波格盡喪，自取其辱。那七隻蛋，扔到香港人臉上來，你抗議之前，得想清楚，這次給你擲蛋算是優待了，下次說不定大爺高興，擲屎哩！