容祖兒前晚在拉闊音樂會上公然向李克勤挖角，叫對方過檔英皇，更公然說「過嚟我公司做一哥」，令克勤不知所措。祖兒在台上和克勤表現親熱，祖兒為克勤伴舞時，失驚無神又攬又摸，更差點觸碰到對方敏感部位。
前晚在會展舉行的「拉闊音樂會壓軸—李克勤×容祖兒」，楊受成夫婦、余文樂和緋聞女友黃伊汶、陳苑淇及李逸朗等都有出席欣賞，其間容祖兒和李克勤乘吊臂車去最遠的觀眾席表演，並向台下拋波仔，掀起高潮。而原本坐在余文樂前面的黃伊汶，趁亂主動走向余文樂傾偈。祖兒和克勤之後快速跑上台時記者聽到祖兒講「哎呀！我×街呀！」，事後祖兒表示自己不會如此失言，她只是講「仆親」。
祖兒在台上和克勤表現親暱，除了擁抱外，她替克勤伴舞時突然從後攬實對方，克勤亦被嚇了一跳，其後更用手摸克勤的褲，觸摸對方大腿附近的敏感位置。親熱過後，祖兒身在台上公然挖角，她說：「不如嚟我公司吖！」克勤指着台下環球唱片公司高層洪迪，並問：「係咪簽咗陳奕迅，就可以放我過去先？」祖兒又說：「楊生（楊受成）都係咁笑喎，不過我細路女唔識講呢啲嘢。」
克勤其中一套戰衣是「開胸拿督裝」，露出大半個心口，他表示被fans抽水，是入行後首次。其後他又和祖兒首次獻唱還未錄音的合唱歌《克不容緩》。
兩人接受訪問時，祖兒再次叫克勤過檔，並說：「過嚟我公司做一哥吖。」克勤不知如何接口，惟有說：「兩間唔同嘅唱片公司，商業上係對立，可以合作係開心事。」兩人又表示希望下次在紅館合作搞演唱會，記者問克勤和盧淑儀的婚事豈不是一拖再拖？他說：「擺埋一邊㗎啦，盧淑儀頭先喺後台聽，佢係祖兒歌迷，最熟祖兒啲歌。」
採訪：駱華齡
攝影：陳偉權
