特首董建華一抵達智利就同總統拉戈斯舉行雙邊會議，話題離唔開兩地嘅最新經濟發展情況同商機。老董喺歡迎晚宴應該已經見過胡主席，佢自己就設宴多謝隨團去智利開會嘅工商界領袖，鬍鬚仔曾俊華同工貿署署長楊立門都在場。
另外，中大出版社為老董父親董浩雲出版嘅兩本新書《董浩雲日記》同埋《董浩雲的世界》今日正式面世，董浩雲係世界船業大王之一，佢逝世逾二十年，佢嘅仔女包括老董，將佢生前嘅日記同相關文章整理成書，重係中環文易廣場擺展覽，由下周一起一連兩個星期，有興趣可以去睇吓。至於兩本書，都甚有閱讀價值，當中除咗紀錄呢位船王嘅日常生活，重睇到佢憂國憂民嘅一面，由七一年中國重返聯合國起，董浩雲已預期中國會發生巨變。
傳真︰2623-9278
電郵︰