「我老公最近搵番份工，做貨車司機，𠵱家我哋雖然乜都冇晒，但我有信心可以從頭嚟過，希望遲啲日子會好啲。」堅強的阿珊說。
三十歲的阿珊，九五年與年紀相若的丈夫結婚，兩人育有一對現年分別三歲及七歲子女。阿珊夫婦原本各有工作，她任職文員，其夫則為貨車司機。
可惜好景不長，其夫年前遭遇交通意外，有一段長時間無法工作，阿珊從此要獨力挑起一家經濟重擔。
由於長期入不敷支，阿珊最終因為債台高築而踏上破產之途，早前自住物業亦被銀行收回，現一家四口居於天台屋。「呢次事件，最受影響係一對仔女，佢哋都估到屋企發生事，加上最近搬屋，我連床都冇錢買，暫時要佢哋瞓地下，小朋友都表現得唔係幾開心。」
阿珊較早前因為無力繳付幼子的幼稚園學費及拖欠水、電、煤雜費，向蘋果日報慈善基金求助，基金曾撥款六千元助她應急，近日另轉交讀者捐款合共一千七百元。
阿珊表示：「比起之前，𠵱家我哋嘅經濟壓力叫做冇咁大，至少唔使成日諗住點樣搵錢還債。今次呢筆善款，我打算留畀仔女返學買書簿用。」
捐款編號：C1511
暖流熱線
電話：29908688
傳真：23702192
電郵: