上個世紀，上海外灘公園有個「華人與狗，不得入內」嘅木牌，惹來全球華人不甘屈辱嘅憤慨，估唔到，堂堂一間瑪嘉烈醫院，竟然都搞起一場「記者與相機，不得入內」嘅鬧劇，呢間醫院噚日響大門口戙起一塊「傳媒請勿進入主座大堂採訪或拍攝」嘅牌（圖），一位膊頭「一粒花」，傲慢態度媲美當年法租界「紅鬚綠眼」嘅「石Q」哥哥，企喺醫院門口，大大聲同啲記者行家話:「我係歧視記者，咁點呀!」不過，醫院嘅公關大員可能覺得佢呢句說話真係此地無銀三百両，結果嗱嗱臨換咗個「冇歧視」嘅牌，上面寫住「……請勿拍攝照片、影片或錄影影片」。
傳真︰2623-9278
電郵︰