香港報章雜誌夠晒多，但係一本以五、六十歲年長人士為對象嘅刊物就比較罕有。噚日就有一本由長者安居服務協會出版、名叫《長訊》嘅雙周刊面世，兩位政界人物李鵬飛同羅致光都有出席創刊號記者會。
出版人羅致光對呢份刊物寄以厚望，佢喺創刊詞話，希望憑呢本雜誌推動本港銀髮市場嘅發展，鼓勵市場為年長人士提供適切嘅服務同產品，唔好淨係為年輕人服務。
而飛哥除咗到場支持，更接受該刊訪問，笑談半生經驗，論盡四個特首人選，包括唐英年、梁振英、李國章同吳光正。數數手指，飛哥都好快可以攞長者卡。
（圖）《長訊》噚日創刊，封面人物李鵬飛（中）、鄧國威（左）及羅致光都有出席。
李家皓攝
傳真︰2623-9278
電郵︰