為幫助非洲蘇丹達爾富爾難民而組成嘅音樂組織BandAid20，佢地首話題籌款歌《DoTheyKnowIt'sChristmas》啱啱錄完音，而個MV前晚就喺英國首播，總共有成三十個電視頻道同時播放，吸引咗二千萬英國觀眾收睇，真係矚目過英女皇演講。
由英國一大班知名音樂人合唱嘅《DoTheyKnowIt'sChristmas》，個MV前晚喺英國首播嗰陣真係大陣仗，有成二千萬觀眾收睇，即係等於三分一嘅英國人口。開場嗰陣先由麥當娜（Madonna）好正經咁做介紹，然後由Coldplay嘅ChrisMartin唱出第一句歌詞。MV中亦有唔少矚目場面，好似Dido同RobbieWilliams接力演唱、Radiohead主音TomYorke一路彈琴，TheDarkness嘅JustinHawkins跟住jam歌等，都係難得一見。
而個MV最感人嘅時刻，就係影住一個二十年前喺埃塞俄比亞垂死嘅少女，然後對比番佢𠵱家好健康同開心嘅樣貌，令到JossStone等有份合唱嘅歌手忍唔住喊。BandAid發言人話：「估唔到個MV嘅播放，比起播映英女皇演說更加矚目，我哋希望多啲人買呢隻碟。」
此外，英國《Q》音樂雜誌最近搵樂迷選出史上最偉大搖滾人物，結果約翰連儂（JohnLennon）排第一，第二、三名分別係貓王皮禮士利（ElvisPresley）同大衞寶兒（DavidBowie），而娜姐排第六，重係唯一入到十大嘅女歌手。