噚日立法會內務委員會討論到政府有幾咁唔尊重議員，立法會秘書處資料顯示，政府答應過喺各事務委員會會議前至少五日提交討論文件，但係冇次真，搞到議員成日要到開會時睇都未睇清楚又要發言。工聯會嘅議員王國興話，議員係市民選出嚟嘅「看門狗」（即英文watchdog），但政府都唔尊重議會，點可以有效率咁做好監察工作。
內會主席劉健儀話會向政府反映，不過各位議員唔知介唔介意向政府轉述埋王國興嗰句看門狗嘅言論？多位議員都老大不願意，劉慧卿即時反對，話議員係民意代表就得，唔使自比為狗。
傳真︰2623-9278
電郵︰