噚日民主派又開飯盒會，不過今次好唔同，由於之前成日有人爆料，將入面自己人互插啲嘢爆畀傳媒知，主持會議嘅劉慧卿懷疑係同場開會嘅議員助理爆料，誓要捉鬼。所以噚日開始，唔使所有助理開會。
有議員同八方講，原本以為大家唔帶助理去，點知一入去開會，就見到卿姐個助理坐喺度，佢即時真係火都嚟埋，咁樣即係話其他人啲助理就口疏，將會議內容周街講，阿卿姐助理就口密，可以入去開會喇。不過咁，噚日新「轉軚王」譚香文又冇開會，大班都冇得再玩佢，「長毛」又冇去開會，卿姐唔會有機會教訓「長毛」，怕且冇乜嘢怕畀人爆啦！
傳真︰2623-9278
電郵︰