林嘉欣早前公開與男友陳光榮的關係後，心情大好，不過她就表示與男友公私分明，在工作上甚少向男友問意見，不過私底下會將男友當成朋友般，時常傾談，她說：「工作壓力咁大，如果冇人呻會好慘。」
林嘉欣近日正馬不停蹄為一齣網上歌舞劇的原聲大碟進行宣傳，首次參演歌舞劇的她，坦言一試難忘，令她高呼有趣過癮外，更難得是她與潘迪華一見如故，二人在該原聲大碟內合唱了一首歌，私底下亦成為好朋友。
早前嘉欣公開與男友陳光榮的關係，潘迪華亦曾給予問候，令嘉欣大為感動，她日前接受訪問時說：「潘迪華姐姐有問我有冇因為啲八卦雜誌唔開心，不過佢知我冇嘢，佢好好，同埋佢綵排時同我哋都玩得好癲，真係冇諗過可以同佢合作。」
公開與唱片監製陳光榮戀情後的嘉欣，在拍照時如沐春風，問她在今次唱片中男友可有給予意見，嘉欣表示他們公私分明，除非主動問對方。那麼可會邀請男友他日為自己作曲？嘉欣表示要看公司安排，但不會刻意。
問她自公開戀情後，其生活可有改變，嘉欣甜蜜地笑說：「我覺得無乜大改變，反而係好似多咗一個朋友傾偈，工作壓力咁大，如果冇人呻會好慘。」
至於有否受到各方壓力？她亦語調輕鬆說：「冇喎，重輕鬆咗，因為𠵱家同佢出街，人哋會覺得理所當然，反而唔使咁避忌㖭。」
至於會否跟男友學習作曲等技能以躋身創作人的行列，嘉欣就笑說：「梗係唔會啦，我冇呢方面嘅天份㗎！」
採訪：馮美茵
攝影：仇志德
髮型：Jacky@IIColpo
化妝：Will
