張衞健、李彩樺和吳君如前晚出席劇集慰勞宴。君如談到俞琤與上山詩鈉的關係密切時，她說：「如果係基又點呢？我冇八卦心。」君如又表示這個問題很尷尬，故此不敢詢問俞琤。
張衞健、李彩樺（Rain）、吳君如、容祖兒、許志安、吳浩康和羅嘉良等，前晚在尖沙嘴出席劇集《功夫足球》和《伙頭智多星》的慰勞宴。
商台高層俞琤和已分居的上山詩鈉近日過從甚密，曾跟俞琤關係密切的君如對此說：「我點敢問，可能人哋唔想講，人哋會耍你，如果係基又點呢？我冇八卦心，對於緋聞冇咁嘅興趣，我睇得好淡，係真係假，作為第三者冇辦法知道，呢啲尷尬問題，點開口問。」
至於周永恆醉酒鬧事，君如說：「佢都係一個口靚仔，受挫折唔開心就去發洩，好正常啫！我唔認同秋生鬧娛樂圈，都唔係咁差，有學問唔代表有修養，講粗口唔代表冇料到。」
而阿Rain最近簽約寰宇經理人部，隨即成為新寵兒，老闆林小明的太太前晚怕她着涼，即給阿Rain送上新買的外套，拍照時阿Rain亦趁機站在中間，張衞健見狀即醒目地拉着君如企回中間位。阿Rain說：「我遲啲會去橫店拍《昭君出塞》，嗰度好凍，我都買定暖包，到時媽咪都會嚟探班。」
問阿Rain可會買定聖誕禮物送給「蕭公子」蕭定一，她即說：「邊個呀？蕭正楠？」阿Rain接受訪問時，身後的電視機正播映其舊愛林峯主演的新劇《天涯俠醫》，問阿Rain覺不覺得林峯的樣子與前不同，以及髮線上移？她說：「佢成日拍古裝，都好易會扯住啲頭髮，我會買洗頭水畀佢做生日同聖誕禮物。」
採訪：馮美茵
攝影：林德雄
