樂隊PingPung的主音Kary喉嚨發炎及鼻水倒流，醫生勸她休養聲帶半年。由於各大音樂頒獎禮將至，身兼兩個組合的Kary會頂硬上去唱，她更要求醫生加重用藥，令她早日開聲。
新組合PingPung女主音兼Cookies成員吳家穎（Kary），因扁桃腺發炎令喉嚨發炎，幾乎失聲，醫生更勸喻她停唱半年，但因音樂頒獎禮將至，Kary希望以最佳狀態出現，日前專誠前往中環中信大廈向專科醫生求診。醫生檢查後，發現Kary除扁桃腺發炎外，更出現鼻水倒流，令本已十分憂心的Kary更加失望。
雖然醫生曾勸Kary停唱半年休養聲帶，但Kary說：「醫生話叫我最好唔好唱住，怕把聲會愈唱愈壞，不過如果真係唱唔到歌我會覺得好慘，始終歌手把聲係搵食工具，我頭先都同醫生講叫佢畀啲勁啲嘅藥畀我，等我可以快啲好番。」
原本近日須出席多個音樂會表演的Kary，自言會乖乖留在家中休息，因醫生表示再嚴重的話就須動手術，故令她不敢再亂出聲。
對於明晚PingPung與古巨基將會演出「新城唱好音樂會」，Kary坦言盡量好好休息，希望到時能上台表演。
由於喉嚨發炎令致失聲，故Kary數日來均未有接聽電話，令身邊好友均以為她玩失蹤，她說：「因為我講唔到嘢所以呢幾日收到好多留言，Cookies佢哋三個女仔都有sendmessage慰問我，Cookies就話可以靠佢哋三個頂住先，不過PingPung始終我都係女主音，所以我都好想可以唱到。」
此外，Cookies其餘三位成員Stephy、Miki和Theresa前晚到香港大學表演。Theresa被Miki和Stephy取笑會碰見其港大男友，Theresa說：「我以前男朋友讀港大，我都擔心會撞到佢，但我哋都已經冇乜聯絡。」
採訪：王崇穎、胡比
攝影：仇志德
