譚小環近日忙於拍攝無綫新劇《秀才遇著兵》，她在劇中扮演一名女賭神。
問到現實中的小環閒時可有小賭怡情，她說：「我真係好少打牌，因為自問冇耐性，要我打好多圈真係唔掂，有時返媽咪屋企過節，佢哋叫我陪打牌，對我嚟講係一件苦差，而且我又孤寒，輸咗又好肉赤，打嗰一、兩蚊又冇朋友願意同我打，所以我就唔打牌。」
小環謂遇上六合彩有金多寶彩金才會湊興玩一下，她說：「我咁耐去過兩次投注站，第一次戴晒帽去，冇人認得我，嗰次我贏咗三百蚊，第二次去竟俾人認到，重俾人大叫我個名，好尷尬，結果就冇運中獎啦，之後買親都係搵阿媽代勞。」
採訪：比華利 攝影：陳偉權
髮型：SamNg（Headquarters） 服裝：dada